23 janvier 2008
3
23
/01
/janvier
/2008
11:47
1. Candor aeternae Deitatis alme,
Christe, tu lumen, venia atque vita
advenis, morbis hominum medela,
porta salutis.
2. Intonat terrae chorus angelorum
caelicum carmen, nova saecla dicens,
gloriam Patri, generique nostro
gaudia pacis.
3. Qui iaces parvus dominans et orbi,
Virginis fructus sine labe sanctae,
Christe, iam mundo potiaris omni,
semper amandus.
4. Nasceris caelos patriam daturus,
unus e nobis, caro nostra factus;
innova mentes, trahe caritatis
pectora vinclis.
5. Cœtus exsultans canit ecce noster,
angelis læto sociatus ore,
et Patri tecum parilique Amori
cantica laudis.
Partager cet article
